प्रज्ञावर्धनस्तोत्रम्By gurubhakti24x7@gmail.com / October 1, 2024 अस्य श्रीप्रज्ञावर्धनस्तोत्रमंत्रस्य, सनत्कुमार ऋषिः, स्वामी कार्तिकेयो देवता, अनुष्टुभ् छंदः, मम सकलविद्यासिद्ध्यर्थं जपे विनियोगः । श्रीस्कंद उवाच ॥ योगीश्वरो महासेनः, कार्तिकेयोऽग्निनंदनः । स्कंदः कुमारः सेनानीः, स्वामीशंकरसंभवः ॥ १॥ गांगेयस्ताम्रचूडश्च, ब्रह्मचारी शिखिध्वजः । तारकारिरुमापुत्रः, क्रौंचारातिः षडाननः ॥ २ ॥ शब्दब्रह्मस्वरूपश्च, सिद्धः सारस्वतो गुरुः । सनत्कुमारो भगवान्, भोगमोक्षप्रदप्रभुः ॥ ३॥ शरजन्मा गणाधीशपूर्वजो मुक्तिमार्गकृत् । सर्वागमप्रणेताच, वांछितार्थप्रदर्शनः ॥ ४ ॥ (येथून पुढील फलश्रुती एकवेळा म्हणावी.) अष्टाविंशति नामानि, मदीयानि च यः पठेत् । प्रत्यूषे श्रद्धया युक्तो मूको वाचस्पतिर्भवेत् ॥ ५ ॥ महामंत्रमयानीति, मम नामानि कीर्तयेत् । महाप्रज्ञामवाप्नोति, नात्र कार्या विचारणा ॥ ६ ॥ इति श्रीस्कंदपुराणे कार्तिकेयमाहात्म्ये प्रज्ञावर्धनस्तोत्रं संपूर्णम्
